Khua bruă kƀĭn ala Vương Đình Huệ klă klơ̆ng nao čuă Cuba
Thứ ba, 10:50, 18/04/2023
VOV Tây Nguyên
VOV Tây Nguyên
VOV4.Êđê- Čang rang aguah anei 18/4, Khua bruă kƀĭn ala Vương Đình Huệ mbĭt hŏng êpul bi ala gưl dlông Việt Nam đuê̆ leh mơ̆ng ƀuôn prŏng phŭn Hà Nội, kčưm nao čuă ala čar Cuba.
Hlăm wưng êhao, klei mjĕ giăm knhuah gru, bi hgŭm plah wah Việt Nam – Cuba dưi mtrŭt mđĭ hlăm djăp mta bruă hŏng klei klă sĭt hĭn. Klei kuôl kă mnia mblei Việt Nam – Cuba klă klơ̆ng mâo boh tŭ mơ̆ng mlan 4/2020 hŏng lu klei ƀuăn bruă mnia mblei mrâo, mkŏ mjing klei găl kơ bruă mnia mblei mnơ̆ng dhơ̆ng 2 tĭng.
Hlăm gưl nao čuă anei, Khua bruă kƀĭn ala Vương Đình Huệ srăng mâo dŭm klei blŭ hrăm, bi tuôm hŏng khua gĭt gai gưl dlông Đảng, knŭk kna Cuba, nao hlăm klei kƀĭn bruă kđi čar ƀri wưng bi hdơr 60 thŭn mkŏ mjing Dhar bruă bi mguôp Cuba hŏng krĭng kwar Dhŭng Việt Nam leh anăn ba mdah dŭm mta bruă dhar kreh Việt Nam ti La Habana, nao čuă anôk bruă bi ala, bi tuôm hŏng êpul êya mnuih Việt Nam ti Cuba.
Viết bình luận