Tlam mbrue 14/5, Khua bruă kƀĭn ala Vương Đình Huệ mă leh bruă hŏng êpul khua kiă kriê bruă Đảng čar Hà Nam kơ bruă hlue ngă hdră mtrŭn mrô 13 mơ̆ng Đảng, hdră mtrŭn mrô 20 klei bi kƀĭn prŏng Đảng čar mbĭt hŏng klei hlue ngă jih jang bruă mđĭ kyar klei duh mkra ala ƀuôn, kơ klei hrui wĭt ngăn prăk knŭk kna hlăm 4 mlan akŏ thŭn.

Blŭ hrăm ti anôk bi kƀĭn khua bruă kƀĭn ala Vương Đình Huệ mâo leh klei tŭ ư hŏng dŭm hdră êlan čua leh, dŭm mta kñăm, bruă čuăn mơ̆ng jih bruă Đảng čar Hà Nam mâo leh hŏng dŭm mlan adôk hlăm thŭn, lehanăn mkrah wưng adôk, Khua bruă kƀĭn ala lŏ kčĕ kơ čar Hà Nam ngă jăk nanao bruă mkŏ mjing Đảng, bi kjăp bruă kđi čar, lŏ dơ̆ng čuê bruă mơ̆ng hƀuê ênuk cách mạng, mâo klei thâo bi mguôp hnŭk êngiê, djŏ klei bhiăn dưn yua lu klei mĭn mrâo, bi leh jih jang bruă kčah jao. Kơ klei mkŏ mkra krĭng ƀuôn sang mrâo hlăm wưng tinăp, čar Hà Nam duh mĭn kơ bruă mđĭ kyar bruă lŏ hma guôp mbĭt hŏng mđĭ kyar wăl hdĭp mda, bruă lŏ hma ênuk mrâo lehanăn phung ngă lŏ hma kreh knhâo./.