Blŭ hlăm mmông mă bruă, Khua bruă kƀĭn ala Vương Đình Huệ yap yuôm bhăn klei kpă mơ̆ng čar Gia Lai êjai tŭ ư dŭm klei dleh dlan, kpăk gun mơ̆ng alŭ wăl leh anăn lač, dlăng klă čiăng thâo dŭm klei ka dưi mâo kñăm gĭr mgaih msir jing klei čiăng êdi.

Hŏng ai tiê amâo mâo brei klei akŏ thŭn ênang, knhal jih thŭn ruăt, Khua bruă kƀĭn ala mñă kơ čar hluê ngă tŭ jing mta kñăm kluôm mnơ̆ng dhơ̆ng hlăm čar thŭn 2024, mgaih msir dŭm klei dleh dlan, kpăk gŭn hlăm dŭm mta bruă msĕ si bruă mtô mjuăt bi hriăm, mđĭ hĭn êpul êya phung khua gĭt gai, boh nik jing phung knuă druh mniê leh anăn phung knuă druh gưl să, hluê ngă jăk bruă mlih mrâo klei ngă hră mơar knŭk kna, brei čan duh bi liê bruă knŭk kna, iêo jak klei duh bi liê mkra mjing boh mnga bruă lŏ hma, mnơ̆ng hlăm dliê čiăng mđĭ ênoh mnơ̆ng dhơ̆ng, boh nik jing mnơ̆ng dhơ̆ng OCOP.