VOV4.Êđê- Tlam mbrue (12/7), Khua bruă kƀĭn ala Vương Đình Huệ mâo leh mmông ngă bruă hŏng Êpul khua kiă kriê bruă Đảng čar Phú Thọ. Khua bruă kƀĭn ala čih pioh, bi mni, lehanăn bi myuôm dŭm boh tŭ dưn mơ̆ng bruă Đảng, bruă sang čư̆ êa lehanăn phung ƀuôn sang djăp djuê ana čar Phú Thọ mâo leh hlăm wưng êgao. Bruă duh mkra mâo leh klei bi mlih, ƀiădah ka năng ôh hŏng klei găl, klei dưi, klei mđĭ kyar ƀuôn prŏng adôk êmưt...

Khua bruă kƀĭn ala čang hmăng, čar Phú Thọ mđing kơ bruă mđĭ kyar klei duh mkra tui si dhar kreh dŭm djuê ana. Phú Thọ ksiêm duah hdră êlan čiăng mđĭ kyar bruă anei hlăm klei duh mkra, ala ƀuôn ti čar. Klei anei srăng mđĭ klei tŭ dưn prŏng. Čar mđing mkŏ mjing hdră rŭ mdơ̆ng ƀuôn prŏng Việt Trì jing ƀuôn prŏng kơ knăm wĭt kơ phŭn agha djuê ana Việt Nam./.

Pô mblang: Y-Khem Niê