Hlăm thŭn 2023, klei duh mkra ala ƀuôn čar Tây Ninh ăt hơĭt lehanăn mâo klei đĭ kyar jăk. Jih jang dŭm ênoh čuăn kơ yang ƀuôn – kơ wăl hdĭp mda mâo bi leh. Hlăm anăn ênoh čuăn klei bi hrŏ ƀun mâo boh tŭ dưn jăk, ênoh gŏ êsei ti čar anei knŏng adôk mă 0,67% - jing sa alŭ wăl mâo ênoh mnuih ƀun ƀin ƀiă hĭn leh hlăm kluôm ala.

Blŭ hrăm ti anôk mă bruă khua bruă kƀĭn ala Vương Đình Huệ bi myuôm, lehanăn bi mni dŭm klei gĭr mơ̆ng bruă Đảng, bruă sang čư̆ êa, lĭng kahan lehanăn mnuih ƀuôn sang čar Tây Ninh, mlih mrâo klei mĭn, mbĭt hŏng jih jang hdră mă bruă mơ̆ng gưl bruă Đảng, bruă sang čư̆ êa, klei duh mkra ti čar Tây Ninh dưi găn leh klei dleh dlan, lŏ dơ̆ng đĭ kyar, rơ̆ng kơ klei hdĭp mda ala ƀuôn, dlăng kriê mnuih mâo bruă tŭ dưn; boh nik bruă bi hrŏ ƀun  mâo leh klei tŭ dưn jăk Khua bruă kƀĭn ala Vương Đình Huệ mtă, hlăm wưng tinăp, čar  Tây Ninh păn kjăp hĭn hdră êlan mơ̆ng gưl dlông, mơ̆ng knŭk kna ktưn čiăng bi mâo dŭm boh tŭ dưn nanao hlăm wưng păn bruă ti anăp./.