Hlăm mmông mă bruă, Khua bruă kƀĭn ala Vương Đình Huệ yap yuôm bhăn alŭ wăl dưi mâo boh tŭ dưn hlăm djăp mta bruă, mđĭ kyar bruă duh mkra ala ƀuôn, bi hơĭt klei hdĭp, bi hrŏ ƀun, mđĭ kyar krĭng ƀuôn sang mrâo, mă anak mnuih jing mta kñăm, bruă mkŏ mjing Đảng, dŭm mta bruă mơ̆ng Êpul gơ̆ng bruă ƀuôn sang jing gru mngač.

Tŭ ư hŏng dŭm hdră êlan đĭ kyar prŏng truh ti thŭn 2023, hdră tă truh ti thŭn 2025, dŭm mta knăm bruă klam leh anăn hdră êlan mâo bruă Đảng čar bi klă kơ thŭn 2024, Khua bruă kƀĭn ala Vương Đình Huệ mñă kơ čar Bà Rịa- Vũng Tàu kơ đa đa boh klei msĕ si čuăl mkă čar dưi bi klă wưng thŭn 2021 – 2030, hdră tă truh ti thŭn 2050 hŏng dŭm mta kñăm klă klơ̆ng msĕ si wưng thŭn 2025 – 2030, kñăm kơ 4 kmeh gơ̆ng bruă duh mkra mâo: Bruă tuh tia, kdrŭn ksĭ leh anăn logistics, bruă hiu čhưn ênguê leh anăn wăl krah, bruă mkăn.