Khua knŭk kna Thái Lan bi mni kơ gưl nao čhưn ti Thái Lan mơ̆ng Khua bruă kƀĭn ala Vương Đình Huệ ƀri gưl bi hdơr 10 thŭn mkŏ mjing klei bi hgŭm kluôm Việt Nam – Thái Lan, đru mjing boh kdrŭt ba klei bi hgŭm dua ala čar đĭ kyar ƀrư̆ hruê ƀrư̆ êlam, klă sĭt.

Khua bruă kƀĭn ala Vương Đình Huệ hưn hŏng Khua knŭk kna Srettha Thavisin dŭm boh tŭ êdah êdi hlăm klei bi trông hŏng Khua bruă kƀĭn ala Thái Lan, mñă klă bruă Kƀĭn ala dua ala čar bi siñê Hră bi hdơr bi hgŭm srăng mđĭ hĭn klei bi hgŭm plah wah dua bruă Kƀĭn ala, đru mđĭ klei bi hgŭm kluôm leh anăn čang hmăng dua ala čar hnưm mđĭ klei bi hgŭm hlăm wưng djŏ guôp. Khua knŭk kna Thái Lan bi mklă srăng hriê čhưn ti Việt Nam hlăm thŭn 2024 leh anăn tŭ ư mđĭ klei bi hgŭm dua ala čar jing ƀĭng hgŭm kluôm./.