VOV4.Êđê - Nao čhưn leh anăn hơêč hmưi Tết hŏng phung knuă druh, phung mă bruă hlăm Phŭn bruă tuh tia mnia blei ƀri gưl thŭn mrâo Nhâm Dần, Khua bruă kƀĭn ala Vương Đình Huệ mtă kơ Phŭn bruă tuh tia mnia blei brei dlăng myuôm bruă mkŏ mjing bruă Đảng klă sĭt doh mngač, kjăp ktang mđĭ lar klei bi hgŭm, msir mgaih klei dleh dlan, gun kpăk, klei êdu awăt čiăng mŭt hlăm ai tiê mrâo, mđĭ ktang hĭn bruă mkiêt mkriêm, bi kdơ̆ng klei luič liê mang.Thŭn 2022 ăt jing thŭn mâo lu klei lông dlăng, dleh dlan, Khua bruă kƀĭn ala Vương Đình Huệ mtă, bruă tuh tia mnia blei brei kƀĭn pŏk ngă hnưm dŭm hdră êlan, hdră kčah, hdră bruă čiăng mđĭ ktang hĭn bruă gang mkhư̆ klei ruă tưp, hluê si hdră mdrơ̆ng êđăp ênang, mbruă leh anăn ktuê dlăng tŭ dưn klei ruă tưp hluê si hdră mtrŭn mơ̆ng Bruă kƀĭn ala, hluê ngă tŭ dưn dŭm hdră kñăm kčah leh.

  H’Zawut pô mblang