Khua bruă kƀĭn ala Vương Đình Huệ nao čhưn ti Anôk bruă Fidel Castro Ruz
Thứ năm, 10:27, 20/04/2023
VOV Tây Nguyên
VOV Tây Nguyên
VOV4.Êđê- Khua bruă kƀĭn ala Vương Đình Huệ leh anăn Êpul bi ala gưl dlông Bruă kƀĭn ala Việt Nam nao leh ti Anôk bruă Fidel Castro Ruz -anôk pioh leh anăn mpŭ kơ mnơ̆ng kriê pioh mơ̆ng Khua gĭt gai Cuba kñăm ksiêm hriăm leh anăn mtô mblang kơ ênoh yuôm klei mĭn Fidel Castro.
Khua bruă kƀĭn ala Vương Đình Huệ leh anăn êpul bi ala nao dlăng ti anôk mdah mnơ̆ng dhơ̆ng, rup mguôp hŏng klei hdĭp leh anăn bruă krŭ kdơ̆ng, hưn mthâo kơ ênoh yuôm klei mĭn mơ̆ng Khua gĭt gai Fidel Castro leh anăn klei khăp mơ̆ng Khua gĭt gai Fidel Castro hŏng Việt Nam.
Anôk bruă Fidel Castro dưi mkŏ mjing leh anăn mphŭn ba yua hlăm gưl bi hơr 5 thŭn hruê djiê Khua gĭt gai Fidel Castro (25.11.2016 – 25.11.2021). Anei jing anôk bruă tal êlâo leh anăn sa anăn mâo anăn khua gĭt gai mơ̆ng Yang ƀuôn Cuba. Knŭk kna Cuba mtrŭn leh asăp yuôm bhăn kơ bruă mkŏ mjing anôk bruă anei kyua klei čang hmăng hlăk dôk hdĭp mơ̆ng Fidel jing leh djiê amâo mâo ôh êlan, đang mnga, sang hră, sang êa drao, amâo dah anôk bruă ba anăn ñu./.
Viết bình luận