Nao čuă khua gĭt gai Đảng, Khua lăn čar Lào Bounnhang Vorachith leh anăn Khua knŭk kna hđăp Lào Thongsing Thammavong, Khua bruă kƀĭn ala Vương Đình Huệ bi êdah klei hơ̆k mơak dưi bi tuôm hŏng phung ayŏng adei, mah jiăng siă suôr mơ̆ng Đảng, knŭk kna leh anăn mnuih ƀuôn sang Việt Nam.

Khua bruă kƀĭn ala Vương Đình Huệ hơêč hmưi kơ phung khua gaĭ gai gưl dlông hđăp Lào ƀri wưng bi hdơr hruê mkŏ mjing lăn čar gưl tal 48 leh anăn yap yuôm bhăn dŭm boh tŭ dưn hlăm bruă knuă, bruă hŏng tač êngao mâo Đảng, knŭk kna leh anăn mnuih ƀuôn sang Lào dưi mâo leh hlăm dŭm thŭn êgao, hlăm anăn mâo dŭm klei đru mguôp yuôm bhăn mơ̆ng Phung khua gĭt gai hđăp mơ̆ng Lào. Khua bruă kƀĭn ala bi êdah klei đăo knang, ti gŭ klei gĭt gai mơ̆ng Đảng yang ƀuôn cách mạng Lào, lăn čar Lào srăng găn djăp klei dleh dlan, ƀrư̆ hruê ƀrư̆ đĭ kyar êngiê, čŏng pô, mdrŏng ktang, mnuih ƀuôn sang ƀrư̆ hruê ƀrư̆ trei mđao yâo mơak.