Hlăm mmômg mă bruă, Khua bruă kƀĭn ala Vương Đình Huệ mñă klă, Phŭn bruă lĭng kahan, Anôk bruă tuh tia bruă lĭng kahan lŏ dơ̆ng ksiêm duah, đru kčĕ hŏng knơ̆ng gĭt gai lĭng kahan gưl dlông, Phŭn bruă lĭng kahan hưn mdah hŏng Đảng, knŭk kna bi klă hdră êlan, hdră mkŏ mjing, mđĭ kyar bruă tuh tia bruă lĭng kahan hluê êlan čŏng pô, djăp ai dưi ksiêm duah, mkra mjing phao ktuang, kdrăp yua mrâo mrang kơ lĭng êpul lĭng kahan, bi djăp ênŭm klei čuăn bi mrâo mrang lĭng kahan leh anăn bruă tuh tia lĭng kahan, bi mrâo mrang lăn čar, mkŏ mjing leh anăn răng mgang lăn čar hlăm wưng mrâo.

Êngao kơnăn, čiăng kñăm đru kčĕ dŭm hdră êlan mkŏ mjing klei bi hmô mđĭ kyar bruă tuh tia bruă lĭng kahan. Khua bruă kƀĭn ala Vương Đình Huệ đăo knang, Anôk bruă tuh tia bruă lĭng kahan amâo mâo mdei klei bi mguôp, mbruă, mkŏ mjing anôk bruă ênuah ênô, kjăp ktang, djăp ênŭm hnơ̆ng čuăn mkŏ mjing lĭng kahan mrâo mrang, knhăk, năng djŏ hŏng klei đăo knang mơ̆ng Đảng, knŭk kna leh anăn mnuih ƀuôn sang.