VOV4.Êđê - Tlam mbruê 7/2, Khua bruă kƀĭn ala Vương Đình Huệ mâo leh klei nao čuă leh anăn mă bruă hŏng knơ̆ng kiă kriê mrô II, phŭn bruă lĭng kahan. Čiăng kơ knơ̆ng kiă kriê tui ngă tŭ jing bruă klam thŭn 2022 leh anăn dŭm thŭn kơ anăp, Khua bruă kƀĭn ala Vương Đình Huệ mtă, kluôm knơ̆ng kiă kriê srăng hyuă kjăp, ngă djŏ hruê mmông leh anăn mâo boh tŭ dưn dŭm hdră mtrŭn, asăp mtrŭn, mta kñăm jing hdră mtrŭn mrô 48 mơ̆ng phŭn bruă kđi čar leh anăn hdră mtrŭn mrô 160 mơ̆ng knơ̆ng gĭt gai lĭng kahan gưl dlông kơ bruă gĭt gai bruă ksiêm hgăm kñăm djŏ hŏng hnơ̆ng čoh čuăn, bruă klam hlăm ênuk mrâo, gĭr ktưn jih ai, bi leh bruă klam bruă kđi čar, rơ̆ng kơ boh tŭ thŭn 2022 srăng lu hĭn mkă hŏng thŭn 2021.

Knơ̆ng kiă kriê mrô II čiăng lŏ mkŏ mjing klei ksiêm hgăm bruă lĭng kahan jing êpul êya mâo klei đăo knang, sĭt suôr hŏng Đảng, hŏng ala čar leh anăn mnuih ƀuôn sang, mâo klei kjăp hlăm klei mĭn bruă kđi čar, kjăp hlăm klei bhiăn, klă mngač hlăm klei mkŏ mjing, mâo klei găl ktang leh anăn boh tŭ dưn, mprăp đua klam leh anăn bi leh jih jang bruă klam mơ̆ng Đảng, knŭk kna, lĭng kahan, mnuih ƀuôn sang jao leh.

Y-Ƀel pô mblang