Khua bruă kƀĭn ala Vương Đình Huệ mơak leh mâo nao čhưn truh ti ƀuôn prŏng Thượng Hải, anôk mâo knŏng 0,1% ênhă lăn čar ƀiădah jing anôk mâo lu mnuih hĭn, mâo hnơ̆ng GDP prŏng lehanăn ba akŏ hlăm klei mđĭ mlih, mâo klei kreh knhâo êdi ti China.

Anei jing anôk khua gĭt gai Tập Cận Bình čoh čuăn kơ klei ngă phŭn êngiê mơ̆ng mnuih ƀuôn sang, mđing truh kơ klei hdĭp jih jang mnuih ƀuôn sang djŏ tui si klei bhiăn nao ti anôk bi blŭ hrăm hŏng phung kreh knhâo, lehanăn hŏng mnuih ƀuôn sang ti alŭ wăl anei kơ bruă mkŏ mjing klei bhiăn, Khua bruă kƀĭn ala Vương Đình Huệ yăl dliê leh bruă knuă mơ̆ng Việt Nam trong hlăm bruă mkŏ mjing klei bhiăn, msĕ si kơ hdră bhiăn lăn ala lŏ mlih mrâo, dưi mâo leh truh êbeh 12 êklăk klei blŭ đru mguôp. Khua bruă kƀĭn ala mñă srăng mđrăm mbĭt hŏng China mă klei hriăm hlăm bruă mkŏ mjing klei bhiăn, čiăng đru kơ bruă kƀĭn ala Việt Nam amâo srăng phưi tha mnuih ƀuôn sang, lehanăn phung duh mkra ôh, ƀiădah mâo hdră mghaih msir bi jăk jih jang bruă knuă./.