Mđup brei mnơ̆ng kơ 360 gŏ sang knŭk kna dlăng ba, mnuih mâo bruă tŭ dưn, mnuih djŏ êa drao ruă diosin, mnuih ngă bruă dleh dlan truh leh ti sang dhar kreh čar Bạc Liêu, Khua bruă kƀĭn ala Vương Đình Huệ lač, Đảng, knŭk kna lehanăn bruă kƀĭn ala hlăm jih jang bruă pô ngă mđing nanao kơ klei mđĭ kyar bruă duh mkra ala ƀuôn čiăng mâo dŭm hdră êlan jăk hĭn duh mĭn kơ mnuih ƀuôn sang.

Hlăm wưng tinăp, khua bruă kƀĭn ala mtă leh kơ dŭm gưl bruă Đảng, bruă sang čư̆ êa jih jang êpul êya hlue ngă bi kjăp hdră mtrŭn mrô 26 mơ̆ng êpul khua kiă kriê bruă Đảng kơ bruă duh Tết Giáp Thìn thŭn 2024, čiăng kơ jih jang mnuih, grăp gŏ sang, lehanăn phung knŭk kna dlăng ba, mnuih mâo bruă tŭ dưn, mnuih dôk hlăm klei dleh dlan mâo sa yan mnga, drông Tết h’uh mđao, êđăp ênang./.