VOV4.Êđê - Aguah hrue 26/1, ti Hà Nội, khua bruă kƀĭn ala Vương Đình Huệ lač, hŏng knhuah gru mâo leh mơ̆ng đưm êbeh 75 thŭn êgao, mkŏ mjing bi blah, lehanăn đĭ hriê kơ prŏng, dưn yua jih knhuah gru ƀuôn prŏng phŭn êbâo thŭn rŭ mjing, ƀuôn prŏng jhŏng ktang, hŏng knhuah gru “Săn asei mlei čiăng kơ lăn čar hdĭp, êpul lĭng kahan ƀuôn prŏng phŭn Hà Nội bi kjăp leh hdra êlan bruă lĭng kahan mơ̆ng Đảng, klei kiă kriê mơ̆ng bruă Đảng kahan gưl dlông, hlăm phŭn bruă lĭng kahan, lehanăn bruă Đảng ƀuôn prŏng Hà Nội dưi mkŏ mjing leh hdră êlan jih jang phung ƀuôn sang bi răng mgang ala čar, hrăm mbĭt bi răng mgang klei êđăp ênang hŏng klei kjăp. Thŭn 2022, Khua bruă kƀĭn ala mtă kơ Bruă Đảng, knơ̆ng kiă kriê kahan răng mgang ƀuôn prŏng phŭn bi kiă kriê gĭt gai mkŏ mjing jăk bruă hŏng klei jăk, mkŏ mjing tŭ jing klei bi kƀĭn prŏng Đảng 13, klă sĭt jing leh kmeh gơ̆ng, mprăp ai tiê bi blah. Mkŏ mjing dŭm anôk bruă êpul êya ktang, lehanăn kdlưn hĭn./.

Y-Khem pô mblang