VOV4.Êđê - Ƀri bi hdơr 75 thŭn Hruê kahan êka êkeh – Djiê êngiă, hlăm gưl nao čhưn ti kwar Krah, aguah 26/7, Khua bruă kƀĭn ala Vương Đình Huệ nao čuh brui mngưi, dưm mnga ti Msat kahan djiê êngiă ƀuôn prŏng Quảng Ngãi; čuh brui mngưi, dưm mnga ti Wăl bi hdơr kơ ayang Khua knŭk kna hđăp Phạm Văn Đồng; nao čhưn, mđup brei mnơ̆ng kơ Amĭ Việt Nam jhŏng ktang, gŏ sang mnuih mâo bruă tŭ dưn. Ti msat kahan djiê êngiă ƀuôn prŏng Quảng Ngãi, Khua bruă kƀĭn ala lehanăn êpul mă bruă bi êdah klei mpŭ anăp knưng bi hdơr kơ phung kahan djiê êngiă, phung čô anak êdah êdi mơ̆ng ƀuôn sang, lăn čar, săn leh asei kyua klei êđăp ênang, hnŭk êngiê kơ lăn čar. Êlâo anăn, Khua bruă kƀĭn ala lehanăn êpul mă bruă nao čuă, mđup brei leh mnơ̆ng kơ Amĭ Việt Nam Jhŏng ktang Lê Thị Thư; gŏ sang kahan êka êkeh 1/4 Phan Quang Nam, ti ƀuôn hgŭm Trần Phú, ƀuôn prŏng Quảng Ngãi./.

  H’ Nêč pô mblang