Hlăm jar gưl nao čhưn ti Argentina, aguah anei (26/4 hlue si mmông Việt Nam), Khua gĭt gai bruă kƀĭn ala Vương Đình Huệ mâo leh klei bi blŭ hrăm yuôm bhăn hlăm Klei bi hdơr 50 thŭn klei bi hgŭm Argentina – Việt Nam ară anei leh anăn êdei anăp.  Hlue si Khua bruă kƀĭn ala Vương Đình Huệ, wăt tơdah kbưi mkrah boh lăn leh anăn ti dua krĭng lăn, dua djue ana ăt hrăm mbĭt kah mbha leh anăn mđĭ kyar dŭm ênoh yuôm mbĭt jăk siam leh anăn đĭ kyar: Anăn jing klei čiăng êngiê leh anăn mđĭ kyar kơ lăn čar, jăk mơak leh anăn đĭ kyar kơ mnuih ƀuôn sang.

Hlue anăn, dua ala čar brei lŏ dơ̆ng mđĭ klei bi hgŭm plah wah Khua gĭt gai dua ala čar, mơ̆ng dŭm gưl nao čhưn gưl dlông leh anăn bi tuôm hlăm dŭm klei bi kƀĭn krĭng wăl leh anăn lu ala čar; mđĭ lar ktang bruă klam mơ̆ng Bruă kƀĭn ala dua ala čar, dŭm đảng; mđĭ lar bruă klam mơ̆ng klei bhiăn bi hgŭm. Dua tĭng brei ba yua dŭm jar leh anăn  klei kuôl kă êngiê mnia blei, boh nik Mê-cô-xua, CPTPP, mbĭt anăn mđing kơ FTA plah wah Việt Nam leh anăn Mê-cô-xua./.