VOV4.Êđê- Mmăt mbruê 9/10, ti ƀuôn prŏng Phổ Yên, čar Thái Nguyên mkŏ mjing leh Knăm hưn mdah Hdră mtrŭn mơ̆ng Dhar bruă kƀĭn ala kơ bruă mkŏ mjing dŭm ƀuôn hgŭm hlăm wăl krah Phổ Yên leh anăn mkŏ mjing ƀuôn prŏng Phổ Yên, čar Thái Nguyên; tŭ mă Medai mă bruă mrô sa tal 3.

Khua bruă kƀĭn ala Vương Đình Huệ blŭ hrăm hlăm anôk bi kƀĭn

Blŭ hrăm hlăm knăm hưn mdah, Khua bruă kƀĭn ala  Vương Đình Huệ bi mklă ƀuôn prŏng Phổ Yên srăng lŏ dơ̆ng mđĭ kyar ktang, ƀrư̆ hruê ƀrư̆ mdrŏng sah, jăk siam, jing ƀuôn prŏng mtah, thâo mĭn, pral, mrâo mrang, ñŭ kma, hŏng ƀuôn prŏng Thái Nguyên, ƀuôn prŏng Sông Công leh anăn dŭm kdriêk mơ̆ng čar, mkŏ mjing čar Thái Nguyên jing sa hlăm dŭm anôk bruă duh mkra mrâo mrang, sa anôk đĭ kyar mơ̆ng krĭng čư̆ čhiăng nah Dưr leh anăn krĭng ƀuôn prŏng phŭn Hà Nội, ngă djŏ klei dưi đăo knang leh anăn klei mnuih ƀuôn sang čang hmăng.

Pô mblang: H’Zawut Ƀuôn Yă