Akŏ klei bi kƀĭn jing “Mđĭ hĭn bruă klam kƀĭn ala hlăm klei hgŭm kluôm dhuôm plah wah Campuchia, Lào, Việt Nam”. Tui si tĭng, êpul khua bi ala bruă kƀĭn ala Việt Nam srăng mâo dŭm bruă msĕ si: Khua bruă kƀĭn ala Vương Đình Huệ mâo klei blŭ hrăm ti anôk bi kƀĭn kluôm lehanăn lehanăn ti anôk bi kƀĭn bi ruĕ, dŭm bruă mơ̆ng anôk bruă duh mkra, anôk bruă hŏng tač êngao, bruă răng mgang klei êđăp ênang ti anôk bi kƀĭn, klei bi trông mơ̆ng dŭm phŭn dhar bruă, phung khua bi ala mơ̆ng dŭm čar hlăm alŭ wăl mđĭ kyar 3 kiêng mơ̆ng Việt Nam msĕ si Kon Tum, Đắk Lắk, Đắk Nông, Bình Phước, Gia Lai.

Mbĭt hŏng anăn mâo lu klei blŭ yuôm bhăn mơ̆ng dŭm phŭn dhar bruă nao hlăm klei bi kƀĭn. Hrue mbrue khua bruă kƀĭn ala Vương Đình Huệ bi blŭ hrăm leh hŏng khua bruă kƀĭn ala Lao  Saysomphone Phomvihane.