VOV4.Êđê - Tlam mbrue (13/1), Khua bruă kƀĭn ala Vương Đình Huệ nao leh ti anôk bi kƀĭn ksiêm wĭt bruă thŭn 2021, lehanăn hlue ngă bruă thŭn 2022, mơ̆ng hră klei mrâo Đại biểu Nhân dân. Hlăm thŭn 2021, hră klei mrâo anei lŏ dơ̆ng ngă jăk bruă klam klei hâo hưn. Lehanăn jing kdrông mkŏ yuôm bhăn mơ̆ng Bruă kƀĭn ala, Êpul Gơ̆ng bruă ƀuôn sang dŭm gưl truh hŏng phung ƀuôn sang, jih jang klei mlih mrâo, klei gĭr ngă bruă mơ̆ng phung bi ala bruă kƀĭn ala, bi êdah mtam pral ai tiê klei mĭn dŭm gưl phung ƀuôn sang.

Kơ bruă hlăm thŭn 2022, k’iăng khua bruă kƀĭn ala mtă kơ bruă klei mrâo anei lŏ dơ̆ng păn kjăp jih jang hdră mă bruă mơ̆ng bruă Đảng hlămbruă kƀĭn ala hlue ngă jăk hdră mtrŭn klei bi kƀĭn prŏng Đảng 13, mđĭ hĭn bruă klam mơ̆ng Êpul khua kiă kriê klei čih mkra, Bruă Đảng, dŭm êpul bruă kđi čar, lehanăn bruă knuă mơ̆ng hră klei mrâo./.

Y-Khem pô mblang