Blŭ hrăm ti anôk anăn, Khua bruă kƀĭn ala Vương Đình Huệ hưn mdah kơ bruă duh mkra, lehanăn duh bi liê ti Việt Nam; lehanăn brei thâo, Bruă kƀĭn ala, lehanăn knŭk kna Việt Nam hlăk dôk bi leh klei bhiăn, mjing anôk duh mkra jăk kơ phung duh mkra hlăm ala čar lehanăn mơ̆ng ala tač êngao.

Khua bruă kƀĭn ala Vương Đình Huệ čang hmăng kơ dua ala čar lŏ dơ̆ng mjing djăp klei găl bi hgŭm hlăm dŭm bruă dua nah mâo klei dưi mdê mdê, boh nik klei bi mnia mblei ktơr, êtak mtah mơ̆ng Santa Fe lehanăn 3 čar kwar krah ala čar Argentina lehanăn hlăm kluôm ala čar anei. Việt Nam čang hmăng kơ 3 boh čar bi ksiêm, blei mnơ̆ng mơ̆ng Việt Nam msĕ si braih, kphê, ksu, mnơ̆ng tă kčoh, asăr kñul, masin hŏng elektronik kñăm mđĭ hĭn klei bi mnia mblei dua nah./.