Blŭ hrăm hŏng phung knuă druh, lĭng kahan Trung đoàn kahan adiê 921, Khua bruă kƀĭn ala Vương Đình Huệ mñă klă, 60 thŭn mkŏ mjing amâo mdei gĭr ktưn, hriăm mjuăt leh anăn hriê kơ prŏng; mâo lu klei tŭ dưn kdrưh kơăm hlăm bruă mkŏ mjing leh anăn răng mgang čar kwar.

Hlăm wưng kơ anăp, Khua bruă kƀĭn ala mtă kơ Trung đoàn lŏ dơ̆ng ktuê dlăng, pŏk ngă bi jăk dŭm asăp mtrŭn mơ̆ng Đảng, hdră êlan, hdră bhiăn Knŭk kna kơ bruă klam rơ̆ng êđăp ênang. Grăp čô knuă druh, lĭng kahan brei lŏ dơ̆ng mđĭ lar knuih hdĭp “Lĭng kahan Awa Hồ”, hŏng klei thâo kđi čar kjăp ktang, gĭr bi leh jăk bruă klam, sĭt suôr hŏng čar kwar./.