Khua bruă kƀĭn ala Vương Đình Huệ mâo phŭn mơ̆ng gŏ sang cách mạng, ngă bruă mơ̆ng thŭn 1979 jing nai prŏng, nai prĭn bruă duh mkra. Hruê 9/3/1984 dưi mŭt Đảng êjai dôk ngă nai ti sang hră gưl prŏng bruă tĭng mkă ngăn prăk Hà Nội.

Blŭ hlăm knăm mđup brei, Khua hlăm êpul bruă Đảng, Khua êpul mkŏ mjing gưl dlông Trương Thị Mai mñă ktang, hlăm 40 thŭn dôk hlăm bruă Đảng, amâodah hlăm djăp boh klei, bruă păn, Vương Đình Huệ mâo nanao klei siă suôr hŏng Đảng, hŏng lăn čar leh anăn mnuih ƀuôn sang, kjăp hŏng klei mĭn Mac – Lênin, klei mĭn Hồ Chí Minh, mta kñăm klei êngiê mơ̆ng djuê ana leh anăn yang ƀuôn ngă phŭn. Ñu amâo mâo mdei klei hriăm mjuăt, mâo ai tiê nao êlâo, bi hmô mbĭt hŏng êpul khua bruă Đảng gưl dlông, Phŭn bruă kđi čar, Êpul khua bruă Đảng gĭr amâo mâo mdei kơ bruă mlih mrâo, mkŏ mjing leh anăn răng mgang lăn čar.