Khua kiă kriê dhar bruă ksiêm dlăng gưl dlông Trần Cẩm Tú mđup brei leh 50 hnư mnơ̆ng kơ dŭm gŏ sang knŭk kna dlăng ba, gŏ sang ƀun mơ̆ng ƀuôn prŏng Lào Cai, 50 hnư mnơ̆ng kơ phung ngă bruă mâo klei hdĭp dleh dlan leh anăn hnư mnơ̆ng kơ phŭng lĭng kahan čar Lào Cai.

Blŭ hlăm mmông nao čuă, Trần Cẩm Tú yap yuôm bhăn klei bi mguôp, klei gĭr mơ̆ng Lào Cai hlăm thŭn 2023 mâo lu klei dleh dlan, klei lông dlăng. Mbĭt anăn, mñă kơ gưl bruă Đảng nah gŭ, bruă sang čư êa, mặt trận čar kwar, dŭm êpul êya bruă kđi čar, yang ƀuôn dŭm gưl čar Lào Cai lŏ dơ̆ng kñăm hluê ngă asăp mtrŭn mơ̆ng êpul khua bruă Đảng kơ bruă mkŏ mjing tết Nguyên Đán Giáp Thìn thŭn 2024, hluê ngă tŭ dưn dŭm hdră kčah mtrŭn, hdră êlan mơ̆ng Đảng, knŭk kna hlăm bruă bi hơĭt klei hdĭp yang ƀuôn, lăm lui klei ư̆ êpa, bi hrŏ klei ƀun ƀin hŏng klei kjăp, mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng.