Khua dlăng bruă AIPA hơêč hmưi kơ Khua Anôk bruă kƀĭn ala Trần Thanh Mẫn
Thứ bảy, 08:37, 01/06/2024
VOV TAYNGUYEN
VOV TAYNGUYEN
VOV4.Êđê- Ƀri Trần Thanh Mẫn dưi ruah ngă Khua Anôk bruă kƀĭn ala Việt Nam ti Klei bi kƀĭn tal 7, Anôk bruă kƀĭn ala gưl XV, hruê 31/5, Khua AIPA Ar. Siti Rozaimeriyanty Dato Haji Abdul Rahman mơĭt leh hră hơêč hmưi.
Hlăm hră mơĭt, Khua dlăng bruă AIPA mơĭt leh asăp lač jăk truh kơ Anôk bruă kƀĭn ala Việt Nam kyua klei đru lehanăn bi hgŭm kjăp hŏng AIPA lehanăn Anôk dlăng bruă AIPA.
Mơĭt truh kơ Khua Anôk bruă kƀĭn ala Trần Thanh Mẫn asăp hơêč hmưi jăk siam ƀri dưi ruah ngă Khua Anôk bruă kƀĭn ala Việt Nam, Khua dlăng bruă AIPA đăo knang, hŏng klei thâo tuôm păn ngă Kơiăng Khua Anôk bruă kƀĭn ala, Khua Anôk bruă kƀĭn ala Trần Thanh Mẫn srăng mtrŭt mđĭ hdră bi hgŭm lehanăn mđĭ kyar mơ̆ng Anôk bruă kƀĭn ala Việt Nam, hyuă kjăp hĭn klei bi mjĕ Anôk bruă kƀĭn ala Việt Nam – AIPA, đru mguôp kơ klei đĭ kyar kluôm mơ̆ng krĭng ASEAN./.
Viết bình luận