Hlăm mmông bi trông, dua tĭng hưn mdah leh kơ boh klei êdah kdlưn mơ̆ng grăp đảng, grăp ala čar, kơ dŭm boh phŭn ngă bruă prŏng mơ̆ng dua đảng hlăm wưng giăm anei; ktuê dlăng klei bi hgŭm, hdră êlan hdră kčah kluôm leh anăn dŭm boh phŭn yuôm bhăn hlăm klei bi hgŭm dua đảng.

Dua tĭng bi tŭ ư mđĭ lar hĭn bruă klam hlăm bruă đru kčĕ hlăm klei pŏk ngă klei kuôl kă gưl dlông plah wah Khua gĭt gai dua Đảng leh anăn dua Knŭk kna; bi tŭ ư lŏ dơ̆ng bi hgŭm mđĭ ruh mgaih klei dleh dlan gun kpăk čiăng mđĭ ktang hĭn klei bi hgŭm bruă mnia blei, mkra mjing, bi liê plah wah dua ala čar; mjing klei găl kơ anôk bruă duh mkra dua ala čar ngă bruă ƀrư̆ tŭ dưn, boh nik hlăm bruă lŏ hma. Lê Hoài Trung mñă klă Đảng, Knŭk kna leh anăn mnuih ƀuôn sang Việt Nam mđing kơ bruă cách mạng djŏ klă mơ̆ng Đảng, Knŭk kna leh anăn mnuih ƀuôn sang Cuba./.