Khua knŭk kna Hun Manet bi êdah klei mơak hlăk Campuchia - Việt Nam ƀrŭ dưi mđĭ kyar hlăm jih jang bruă. Hun Manet  hưn hŏng Khua dlăng bruă Đảng dŭm mta phŭn kơ boh klei Campuchia giăm anei, hlăm anăn mâo hdră bi leh bruă knuă, phung mă bruă hlăm Bruă kƀĭn ala, knŭk kna wưng mrâo leh anăn boh tŭ Klei bi kƀĭn mjêč Đảng CPP ăt msĕ mơh boh tŭ klei bi trông hŏng Khua knŭk kna Phạm Minh Chính.

Dua tĭng bi trông êlam kơ klei bi hgŭm hlăm lu mta bruă boh nik klei bi hgŭm plah wah dua Đảng, bi hgŭm kơ bruă duh mkra, lĭng kahan leh anăn klei bi hgŭm phung êdam êra dua ala čar. Khua dlăng bruă Đảng Nguyễn Phú Trọng mñă klă, tlâo ala čar Việt Nam - Campuchia - Lào bi hgŭm, bi đru hgao djăp klei dleh dlan, kyua anăn hlăm wưng mrâo, dua tĭng brei lŏ dơ̆ng mđĭ klei bi hgŭm Việt Nam - Campuchia ƀrư̆ đĭ kyar./.