Bình Dương dôk hlăm top ba anăp ala čar iêo jăk klei duh bi liê mơ̆ng ala tač êngao hŏng giăm 4.200 hdră, ênoh prăk bi klă êbeh 40 êklai dolar, mâo hlăm brô 65 êbâo knơ̆ng bruă hlăm lăn čar hŏng ênoh prăk bi klă êbeh 40 êklai dolar Mi. Hnư hrui wĭt kah knar grăp čô hlăm čar ăt lu hĭn hlăm lăn čar.

Ară anei, Bình Dương dôk tă hdră bruă tuh tia hŏng êlan mrâo mrang, thâo mĭn, jăk hŏng wăl hdĭp mda hŏng 3 kmeh gơ̆ng phŭn jing: knŭk kna mkŏ mjing – mnuih ƀuôn sang hrăm mbĭt, knơ̆ng bruă ngă bruă. Blŭ hlăm mmông mă bruă, Khua êpul bruă duh mkra gưl dlông Trần Tuấn Anh yap yuôm bhăn boh tŭ dưn kơ klei đĭ kyar bruă duh mkra mơ̆ng Bình Dương, jing gru mngač kơ lăn čar kơ klei đĭ kyar bruă duh mkra tă hdră yang ƀuôn ngă phŭn. Dŭm boh tŭ dưn anăn đru mguôp hlăm klei bi kluôm kơ klei hlăk mblang leh anăn boh sĭt kơ klei đĭ kyar bruă duh mkra mnia mblei tă hdră yang ƀuôn ngă phŭn mơ̆ng lăn čar drei hlăm 40 thŭn êgao.