Hlăm mmông tŭ drông, Khua Êpul bruă hâo hưn gưl dlông Nguyễn Trọng Nghĩa leh anăn pô bi ala Mi ti Việt Nam tŭ ư thŭn 2025 jing thŭn yuôm bhăn, kruăk knăl 50 thŭn Việt Nam hluh hlir lăn čar, 30 thŭn Việt Nam – Mi lŏ wĭt mjĕ giăm, jing wưng dua ala čar hrăm mbĭt čih yap dŭm knhuang êbat mrâo, mơ̆ng hƀuê ênuk truh kơ ară anei leh anăn êdei anăp.

Dua tĭng mñă klă klei mjĕ giăm jăk siam dua ala čar jing kčưm mơ̆ng klei hmăng hmưi mnuih ƀuôn sang dua lăn čar, jing bi klă hdră tă, mta knăm leh anăn klei gĭr mơ̆ng khua gĭt gai dua ala čar hlăm hƀuê ênuk ăt msĕ mơh ênuk ară anei. Klei mjĕ giăm Việt Nam – Mi srăng jing boh kdrŭt kơ klei mdrŏng sah leh anăn êđăp ênang hlăm sa alŭ wăl yuôm bhăn dlông rŏng lăn, kyua klei êđăp ênang, hơĭt kjăp leh anăn đĭ kyar kjăp.