Tlam mbrue (17/5), ti anôk bruă Đảng gưl dlông, Trương Thị Mai, Khua kiă kriê êpul khua kiă kriê bruă Đảng drông čhưn leh êpul khua kiă kriê bruă răng mgang Cuba mâo Gerardo Hernandez Nordelo, jing khua kiă kriê anôk bruă răng mgang lăn čar Cuba, ngă khua êpul hrie ngă bruă ti Việt Nam.

Trương Thị Mai lač, Đảng, Knŭk kna lehanăn mnuih ƀuôn sang Việt Nam bi mguôp sĭt suôr nanao lehanăn mtrŭn agha êlam hĭn, mđĭ klei bi hgŭm yuôm bhăn plah wah dua Đảng, knŭk kna, lehanăn mnuih ƀuôn sang dua ala čar amâo mâo mdei dưi mđĭ kyar, čhuang nao hlăm knhuang jăk hĭn.  Hê-ra-đô Éc-nan-đết Nô-đê-lô lač ai tiê klei bi mguôp, klei sa ai mâo leh mnuih ƀuôn sang Cuba khăp mpŭ ƀuh klei thâo bi hmô jăk mơ̆ng mnuih ƀuôn sang Việt Nam hlăm klei bi blah sua wĭt klei êngiê kơ djuê ana êlâo dih lehanăn mđĭ kyar lăn čar ară anei./.