Tui si klei bi êdah ti anôk bi kƀĭn, khădah tuôm hŏng lu klei dleh dlan, ƀiădah klei gĭr mơ̆ng jih jang bruă kđi čar, čar Gia Lai dôk dưi krơ̆ng klei hơĭt kjăp. 14/21 ênoh čuăn lehanăn jing kdlưn hĭn hŏng ênoh kčah. Klei bi kƀĭn anei, Gia Lai srăng mâo dŭm klei hâo mdah klei hlue ngă bruă knuă thŭn 2023 lehanăn hdră mă bruă kơ thŭn 2024 mơ̆ng êpul khua kiă kriê Êpul gơ̆ng bruă ƀuôn sang, lehanăn knơ̆ng bruă sang čư̆ êa čar.

Boh nik, klei bi kƀĭn anei srăng mă hră mplĕ klei đăo knang hŏng mnuih mâo leh êpul gơ̆ng bruă ƀuôn sang ruah mdưm; ngă klei êmuh lehanăn wĭt lač klei êmuh djŏ hŏng mta mtrŭn. Blŭ hrăm ti anôk bi kƀĭn Y Thanh Hà Niê Kdăm- Khua kiă kriê êpul hgŭm bruă djuê ana mơ̆ng bruă kƀĭn ala mtă kơ Êpul gơ̆ng bruă ƀuôn sang čar Gia Lai lŏ dơ̆ng kiă kriê gĭt gai tŭ jing klei hlue ngă hdră bhiăn mđĭ kyar bruă duh mkra ala ƀuôn, ruh mgaih jih jang klei dleh kpăk hlăm bruă knuă, mđing ngă bi leh 3 mta kñăm mơ̆ng bruă lăn čar, kiă kriê kjăp bruă bi liê ngăn prăk knŭk kna./.