VOV4.Êđê - Aguah mbruê, ti čar Tây Ninh, Nguyễn Trọng Nghĩa khua êpul bruă hâo hưn gưl dlông mbĭt hŏng êpul ngă bruă nao čuă leh msat lĭng kahan êngiă asei, nao čuă Sư đoàn 5, nao čuă leh anăn mđup brei hnư mnơ̆ng kơ dŭm gŏ sang knŭk kna dlăng ba, gŏ sang ƀun ƀin, giăm ƀun ƀin ti să Thái Bình, kdriêk Châu Thành. Ti să Thái Bình, kdriêk Châu Thành khua êpul hâo hưn gưl dlông mđup brei leh 40 hnư mnơ̆ng kơ dŭm gŏ sang knŭk kna dlăng ba, gŏ sang ƀun ƀin, giăm ƀun ƀin mâo klei dleh dlan kyua klei ruă tưp Covid-19. Blŭ hrăm hŏng mnuih ƀuôn sang leh anăn phung knuă druh alŭ wăl, Nguyễn Trọng Nghĩa brei thâo, bruă bi hơĭt klei hdĭp, dlăng kriê mnuih ƀun ƀin, dleh dlan mâo khua gĭt gai Đảng leh anăn knŭk kna uêñ mĭn êdi, boh nik hlăm wưng tết, yan mnga mrâo. Tlam mbruê, Nguyễn Trọng Nghĩa lŏ dơ̆ng nao čuă, mđup brei hnư mnơ̆ng kơ phung mă bruă ti anôk bruă tuh tia kdriêk Gò Dầu, čar Tây Ninh.

Y-Ƀel pô mblang