VOV4.Êđê - Tlam hruê 4/4, Êpul mă bruă mơ̆ng gưl dlông mâo Y Thanh Hà Niê KĐăm, Khua Êpul hgŭm djuê ana mơ̆ng Anôk bruă kƀĭn ala nao čhưn lehanăn h’êč hmưi Têt Chôl Chnăm Thmây mơ̆ng mnuih djuê ana Khmer ti Sang yơng SomRong, ƀuôn hgŭm 5, ƀuôn prŏng Sóc Trăng Y Thanh Hà Niê Kđăm bi êdah leh klei m’ak hlăk dưi nao čuă phung kiă kriê klei đăo Yơng, phung Yơng ti sang yang yơng SomRong.

Ƀri wưng Têt Chôl Chnăm Thmây anăp truh, Khua Êpul hgŭm djuê ana mơ̆ng Anôk bruă kƀĭn m’ĭt leh asăp h’êč hmưi truh kơ jih jang phung kiă kriê klei đăo Yơng, phung Yơng ti sang yang yơng SomRong thŭn mrâo suaih pral lehanăn êđăp ênang. Mbĭt anăn čang hmăng hlăm wưng ti anăp, anôk kiă kriê klei đăo Yơng lehanăn phung khua kriê dlăng sang yơng lŏ mtrŭt mjhar mnuih hluê đăo hluê ngă kjăp hdră êlan mtrŭn mơ̆ng Đảng, hdră bhiăn mơ̆ng knŭk kna, mkŏ mkra Sóc Trăng ƀrư̆ hruê ƀrư̆ mdrŏng sah, đru bi kjăp hĭn klei hgŭm mguôp dŭm djuê ana hlăm lăn čar drei./.

H’Nêč pô mblang