Êlâo kơ klei kƀĭn tal 5, bruă Kƀĭn ala gưl 15, hruê mbruê 11/5, Êpul bi ala bruă kƀĭn ala čar Lâm Đồng bi tuôm hŏng phung bi ala ti ƀuôn hgŭm mrô 9, ƀuôn prŏng Đà Lạt, čar Lâm Đồng. Khua hlăm Phŭn bruă kđi čar, Khua bruă Đảng gưl dlông, Khua êpul kiă kriê bruă knuă gưl dlông Phan Đình Trạc leh anăn khua gĭt gai čar Lâm Đồng nao hgŭm. Hlăm mmông bi tuôm, phung bi ala bi êdah klei đăo knang leh anăn hmăng hmưi kơ dŭm hdră êlan mtrŭ mđĭ klei đĭ kyar bruă duh mkra ala ƀuôn mơ̆ng alŭ wăl leh anăn lăn čar.

Hlăm dŭm mta phŭn klei hưn, phung bi ala bi êdah klei hmăng hmưi dŭm wĭt êlan dơ̆ng pral mkŏ Đà Lạt hŏng dŭm čar krĭng Dhung hnưm dưi rŭ mjing, bruă čuăl mkă, duh bi liê bruă mkŏ mkra dưi mâo klei uêñ mĭn hĭn, hnưm mâo hdră tă rơ̆ng kơ êa jua. Phan Đình Trạc, Khua hlăm Phŭn bruă kđi čar, Khua bruă Đảng gưl dlông, Khua êpul kiă kriê bruă knuă gưl dlông čih yap leh dŭm klei hưn mơ̆ng phung bi ala leh anăn mñă klă srăng mơĭt truh kơ dŭm anôk bruă mâo klei dưi./.