Mñă “Sa ai hŏng 5 mta” mơ̆ng ASEAN lŏ jing anôk yuôm bhăn tui duah hdră êlan kơ klei êđăp ênang lehanăn kjăp, khua êpul bi ala knŭk kna Việt Nam čang hmăng kơ êpul hgŭm lu ala čar lehanăn asei aduôn Giu-li Bi-sóp srăng bi mguôp kjăp lehanăn tŭ dưn hŏng ASEAN lehanăn pô bi ala mơ̆ng khua kiă kriê ASEAN kơ boh klei Myanmar mđing bi mpŭ tui si klei bhiăn hnŭk êngiê, kluôm ênŭm lăn čar, amâo mâo duah čhuak bruă knuă hjăn mdê mdê, ngă bi djŏ hŏng klei mnuih ƀuôn sang Myanmar dôk čang hmăng.

Giu-li Bi-sóp mñă srăng gĭr jih ai tiê hŏng klei jing pô bi ala kơ khua knơ̆ng gĭt gai Êpul hgŭm lu ala čar đru ba wĭt klei êđăp ênang lehanăn hơĭt kjăp ti Myanmar; lŏ mñă êpul hgŭm lu ala čar sa ai hŏng bruă klam mâo ASEAN kiă kriê hlăm bruă anei./.