Hlăm hră čang, Nguyễn Thanh Nghị bi êdah klei ênguôt ti anăp klei djiê mơ̆ng sa čô mah jiăng mơ̆ng Việt Nam leh anăn mơ̆ng ƀuôn prŏng Hồ Chí Minh. Khamtay Siphandone mâo ai đru mguôp prŏng hlăm bruă ksul mbŭ klei mjĕ giăm, klei bi mguôp kluôm dhuôm Việt Nam- Lào.

Khua gĭt gai ƀuôn prŏng Hồ Chí Minh mñă klă srăng lŏ dơ̆ng kriê pioh, mđĭ kyar klei mjĕ giăm kluôm dhuôm msĕ ayŏng adei sa amĭ plah wah ƀuôn prŏng Hồ Chí Minh hŏng dŭm alŭ wăl mơ̆ng Lào, đru kơ klei bi hgŭm Việt Nam – Lào dưi mtah mda, hơĭt kjăp. Bi ala kơ bruă Đảng ƀuôn prŏng, Êpul gơ̆ng bruă ƀuôn sang, bruă sang čư̆ êa, dhar bruă mặt trận ƀuôn prŏng Hồ Chí Minh  leh anăn mnuih ƀuôn sang ƀuôn prŏng, Nguyễn Thanh Nghị mơĭt klei bi juh kơ Đảng, knŭk kna, mnuih ƀuôn sang Lào leh anăn gŏ sang Khamtay Siphandone, hnưm dưi găn klei ênguôt hnĭng anei.