Bi ala kơ phung khua kiă kriê Đảng, Knŭk kna mâo leh klei čuă êmuh, mđĭ ai, lehanăn hdơr knga truh hŏng jih jang kahan hđăp, hlăk ai ba anăp hđăp, kahan ƀuôn hđăp, phung amĭ Việt Nam jhŏng ktang, dŭm gŏ sang mnuih mâo bruă tŭ dưn hŏng lăn čar, phung kahan êka êkeh, kahan ruă duam, gŏ sang mnuih êngiă asei hlăm kluôm ala.

Khua gĭt gai Đảng lač, klei mblah dưi yan mnga thŭn 1975 amâo mâo djŏ knŏng jing yuôm bhăn hŏng hƀuê ênuk, hŏng djuê ana Việt Nam, ƀiădah lŏ jing awan dhuan kơ ênuk gưl, bi mđĭ ai ktang kơ klei bi blah mtlaih djiê djuê ana hlăm tar rŏng lăn. Anăn jing klei dưi mơ̆ng ai tiê thâo khăp kơ lăn čar, kơ klei thâo bi mguôp jih jang djuê ana.

Jing klei dưi mơ̆ng dŭm êklăk čô mnuih hdĭp hơăi mang aguah tlam mlam hrue, ƀiădah duh myơr leh jih thŭn pô mda asei, lehanăn klei hdĭp pô djiê êngiă kơ lăn čar dưi mâo klei êđăp ênang lehanăn hluh lir. Khua gĭt gai Đảng mñă: Đảng, Knŭk kna dlăng yuôm bruă hdơr knga tla ai, jih jang hdră êlan mơ̆ng knŭk kna duh mĭn tal êlâo kơ mnuih mâo bruă tŭ dưn, đru bi ênŭm, bi djăp, hŏng klei khăp prŏng, lehanăn klă mngač./.