Yap truh jih mlan 5 thŭn 2024, čar Dak Lak dưi brei čan duh bi liê bruă knŭk kna êbeh 1.080 êklai prăk, mâo 25% hdră kčah. Hnơ̆ng klei brei čan đĭ mkă hŏng wưng anei thŭn dih ƀiădah ăt dôk êmưt. Blŭ hrăm hlăm klei kƀĭn, Phạm Ngọc Nghị, khua bruă sang čư êa čar Dak Lak mñă kơ dŭm knơ̆ng, dhar bruă, alŭ wăl mđĭ hĭn bruă ksiêm dlăng, hmao ƀuh leh anăn mgaih msir klei dleh dlan, kpăk gun kơ grăp hdră.

Êngao kơnăn, dŭm anôk bruă čiăng čŏng pô bi mguôp kjăp, hluê ngă hrăm mbĭt bruă ruh mgaih anôk ala, ngă hră mơar, bi hmar klei ngă bruă dŭm hdră ala čar kñăm leh anăn hdră bruă tŭ drông 120 thŭn hruê mkŏ mjing čar ti mlan 11 kơ anăp.