Nao čuă Trung tá Trương Công Cường, k’iăng khua êpul leh anăn Thiếu tá Nguyễn Văn Hưng, knuă druh adŭ bruă kahan ksiêm kơ matŭi – kahan ksiêm čar Gia Lai êka êjai ngă bruă klam, Khua gĭt gai bruă Đảng čar, bruă sang čư êa čar Gia Lai pah mni 2 čô kahan ksiêm mâo klei jhŏng mkhư̆ phung ngă soh. Klei anei brei ƀuh dŭm klei arưp aram kơ êpul kahan ksiêm tlă anăp êjai ngă bruă klam răng mgang klei êđăp ênang yang ƀuôn, klei êđăp ênang kơ mnuih ƀuôn sang.

Bruă Đảng čar, bruă sang čư êa čar Gia Lai mñă kơ khua gĭt gai kahan ksiêm čar Gia Lai hmao mâo klei uêñ mĭn, ngă klei mđĭ ai kơ phung kahan ksiêm. Ară anei klei suaih pral mơ̆ng Trương Công Cường leh anăn Thiếu tá Nguyễn Văn Hưng ƀrư̆ ƀrư̆ mâo klei hơĭt leh anăn dôk lŏ ksiêm dlăng, mdrao mgŭn ti sang êa drao Hoàng Anh Gia Lai.