Ti Bắc Kinh, Khua hlăm phŭn bruă kđi čar gưl dlông Đảng Cộng sản China, k’iăng khua dhar bruă klei kƀĭn kluôm phung bi ala mnuih ƀuôn sang kluôm ala China Lý Hồng Trung drông leh k’iăng khua dhar bruă gưl dlông mặt trận čar kwar Việt Nam, khua bruă tal 1 Êpul bruă êdam êra gưl dlông Cộng sản Hồ Chí Minh, Khua êpul bi hriăm êdam êra Việt Nam Bùi Quang Huy dôk mâo gưl nao čhưn, mă bruă ti China.

Blŭ hrăm hlăm mmông tŭ drông, Lý Hồng Trung mñă ktang, dua tĭng čiăng ngă jăk klei gĭt gai  mơ̆ng Khua gĭt gai dua Đảng, dua lăn čar kơ bruă mđĭ hĭn klei mjĕ mjuk êdam êra China - Việt Nam, mtrŭt mjhar phung mda aseu dua ala čar đru mguôp hlăm bruă mkŏ mjing êpul êya bi kah mbha êdei anăp Việt Nam - China mâo boh tŭ dưn hdră êlan. Khua gĭt gai tal 1 Êpul bruă êdam êra Cộng sản Hồ Chí Minh Bùi Quang Huy mñă klă, hdră bruă hrah, ksiêm hriăm bi êdah klei gĭr leh anăn ai tiê bruă klam nao êlâo mơ̆ng phung êdam êra hlăm bruă kriê pioh, bi kjăp leh anăn amâo mâo mdei mđĭ kyar klei mjĕ giăm bi hgŭm hdră êlan kluôm dhuôm plah wah dua lăn čar Việt Nam - China, mđing truh mkŏ mjing êpul êya bi kah mbha êdei anăp mâo boh tŭ dưn hdră êlan. Khua gĭt gai tal 1 Bùi Quang Huy đăo knang, hŏng hdră anei, phung bi ala srăng mâo klei găl mjĕ êrô, bi trông, bi hriăm hdơ̆ng pô, mơ̆ng anăn mđĭ hĭn klei thâo săng, ksul mbŭ klei bi hgŭm leh anăn pŏk mlar klei bi mguôp hlăm êdei anăp plah wah êdam êra dua lăn čar.