VOV4.Êđê- Tlam mbrue (11/10), Khua gĭt gai Đảng Nguyễn Phú Trọng, ăt jing khua kiă kriê bruă Đảng kahan gưl dlông bi tuôm leh hŏng 80 čô phung bi ala brei kơ 450 čô dôk hlăm lĭng kahan nao ti anôk bi kƀĭn prŏng bruă êdam êra Cộng sản Hồ Chí Minh lĭng kahan tal 10, wưng păn bruă 2022 – 2027.

Blŭ hrăm tinăn, Khua gĭt gai Đảng bi mni kơ dŭm boh tŭ dưn phung mda asei hlăm lĭng kahan mâo leh hlăm dŭm thŭn êgao, lehanăn kơ êpul mda asei hlăm lĭng ktưn hĭn hlăm bruă êdam êra lĭng kahan, mđĭ kyar hŏng klei kjăp.

Hlăm anăn mđing kơ bruă mjuăt bi hriăm bruă kđi čar, kơ klei mĭn, kơ knhuah cách mạng, kơ klei dôk dơ̆ng ƀơ̆ng huă ênuah hlăm lĭng kahan wưng thŭn 2015 – 2030, lŏ dơ̆ng mkŏ mjing êpul bruă êdam êra kjăp mâo klei bi mguôp hŏng êpul bruă êdam êra alŭ wăl anôk lĭng kahan dôk, mâo klei bi mguôp kjăp lĭng kahan hŏng phung ƀuôn sang./.

Pô mblang: Y-Khem Niê