Amâo mâo tŭ ư gĭt gai mă bruă hluê si klei mĭn wưng păn bruă, blŭ blŭ mă ƀiă, bi kpăk klei đĭ kyar lăn čar. Ạnei jing klei mñă ktang mơ̆ng Khua gĭt gai Đảng Tô Lâm hlăm klei kƀĭn trông online ksiêm wĭt bruă hluê ngă hdră mtrŭn mrô 57 mơ̆ng Phŭn bruă kđi čar kơ klei mlih mrâo mbruă mkŏ mjing hruê 15/10.

Hŏng dŭm klei bi trông, klei bi êdah, klei akâo, Khua gĭt gai Đảng Tô Lâm lač klă klei mĭn, bruă hluê ngă hdră mtrŭn mrô 57 jing boh kdrŭt čiăng ngă tŭ dưn dŭm hdră êlan, bi mlih gru hmô mđĭ kyar lăn čar, bi klă klei bi hmô đĭ kyar mrâo mơ̆ng lăn čar. Khua gĭt gai Đảng Tô Lâm mñă kơ dŭm phŭn, dhar bruă, alŭ wăl srăng mă bruă ruh mgaih klei kpăk jing bruă klam mrô 1, bi hluh dŭm ai dưi yang ƀuôn kơ klei mđĭ kyar klei kreh knhâo mrâo mrang, bi mlih hŏng klei mbruă hluê si hdră bhiăn “ya bruă mơ̆ng alŭ wăl êngao Knŭk kna dưi ngă amâo djŏ bruă klam mơ̆ng Knŭk kna srăng mkŏ mjing klei găl, mtrŭt mđĭ čiăng kơ alŭ wăl êngao Knŭk kna ngă”. Ai tiê srăng mă klei sa ai leh anăn klei đăo knang mơ̆ng mnuih ƀuôn sang leh anăn knơ̆ng bruă jing mnơ̆ng mkă, srăng bi mlih mrô hdră êlan, ngă bruă Knŭk kna sa ƀăng bhă - sa blư̆ hưn, hluê si klei čih hưn bi mlir.