Dŭm thŭn êgao, klei bi mjĕ Việt Nam – Lao ƀrư̆ hruê dưi bi kjăp, đĭ lar prŏng, klă sĭt lehanăn tŭ dưn hlăm djăp mta bruă.

Mơ̆ng anăn, đru mguôp yuôm bhăn hlăm bruă rơ̆ng kjăp klei hơĭt ênang bruă kđi čar, mđĭ kyar bruă duh mkra – ala ƀuôn, rơ̆ng kjăp bruă lĭng kahan – răng mgang klei êđăp ênang ti grăp ala čar, mđĭ kơhưm dua Đảng, dua ala čar. Gưl hiu čhưn ti Việt Nam mơ̆ng Khua gĭt gai Đảng, Khua lăn čar Lào Thongloun Sisoulith lehanăn Mô̆ ñu jing wưng čiăng kơ phung khua dua tĭng hưn mthâo kơ boh klei mâo ti grăp ala čar, dua Đảng; bi trông kơ boh klei hlăm krĭng lehanăn tar rŏng lăn dôk mđing; tĭng dlăng boh tŭ hdră bi hgŭm dua nah hlăm wưng êgao lehanăn tă hdră êlan, mđĭ boh tŭ hdră hgŭm bruă hlăm wưng ti anăp./.