Khua gĭt gai Đảng, Khua lăn čar Tô Lâm mñă klă, Việt Nam hluê ngă kjăp hdră mtrŭn hŏng tač êngao klah hjăn, hnŭk êngiê, ngă phŭn mil pô, lu tĭng hlăm klei bi mjĕ hŏng tač êngao, lŏ dơ̆ng bi kjăp lehanăn mđĭ kyar Klei bi mjĕ ƀĭng hgŭm phŭn kluôm dhuôm hŏng Russia, dlăng klei bi mjĕ hŏng Russia mâo boh tŭ yuôm bhăn, jing sa hlăm dŭm klei mđing tal êlâo hlăm hdră mtrŭn hŏng tač êngao.

Dua khua kiă kriê tĭng dlăng klei bi mjĕ, hgŭm bruă Việt Nam – Russia đĭ kyar jăk siam lehanăn dưi mâo lu boh tŭ dưn hlăm djăp mta ra bruă, boh nik bruă lĭng kahan, răng mgang klei êđăp ênang, bruă pui kmlă, bruă êwa čuh, bruă mnia mblei… Khua gĭt gai Đảng, Khua lăn čar Tô Lâm lehanăn Khua mil čhil Vladimir Putin bi trông, bi tŭ ư kơ dŭm bruă phŭn hlăm wưng ti anăp hlăm hdră bi hgŭm dua nah lehanăn lu tĭng./.