Khua gĭt gai Đảng, Khua lăn čar Tô Lâm mơĭt kơ phung knuă druh, phung mă bruă hlăm Anôk bruă bi ala hŏng jih jang êpul êya mnuih Việt Nam ti Mongôl klei êmuh hrăm siă suôr, hơêč hmưi klei suaih pral, jăk mơak hŏng klei khăp jăk siam hĭn mơ̆ng ƀuôn sang Việt Nam.

Khua gĭt gai Đảng, Khua lăn čar Tô Lâm brei thâo,gưl nao čhưn ti Mongôl tal anei yuôm bhăn snăk, mkŏ mjing hlăk klei bi hgŭm dua ala čar dôk đĭ kyar jăk siam hĭn. Khua gĭt gai Đảng, Khua lăn čar Tô Lâm mtă kơ Anôk bruă bi ala Việt Nam ti Mongôl mđĭ lar bruă klam kban mkŏ plah wah dua ala čar leh anăn plah wah dŭm phŭn, dhar bruă dua tĭng, bi hgŭm pŏk ngă tŭ dưn klei kuôl kă mơ̆ng Khua gĭt gai gưl dlông dua ala čar hlăm anăn mâo Klei hưn mdah mbĭt kơ klei bi hgŭm kluôm  Việt Nam-Mongôl; bi hgŭm mđĭ klei tŭ dưn bi hgŭm plah wah dua ala čar hlăm djăp mta bruă.