Hlăm klei bi tuôm, Khua gĭt gai Đảng, Khua lăn čar kah mbha klei Khua gĭt gai Êpul hgŭm lu ala čar bi mklă, ksiêm dlăng kơ boh klei dlông rŏng lăn leh anăn klei lông dlăng lu tĭng dlông rŏng lăn dôk tuôm. Khua gĭt gai Đảng, Khua lăn čar bi mni kơ klei đru mơ̆ng dŭm êpul bruă Êpul hgŭm lu ala čar ti Việt Nam hlăm bruă mdrơ̆ng hŏng klei yan adiê ngă.

Khua gĭt gai Đảng, Khua lăn čar akâo kơ Khua gĭt gai Êpul hgŭm lu ala čar lŏ dơ̆ng mđing mđĭ kyar dŭm klei bi hgŭm kơ bruă êa pui êwa čuh, bi mlih mtah, bi mlih mrô, mkŏ mjing bruă kriê dlăng mrô… hlăm anăn, mđing kơ klei tŭ dưn dŭm ala čar dôk đĭ kyar, mâo wăt Việt Nam ti dŭm anôk bruă yuôm bhăn, ăt msĕ mơh hlăm jih jang bruă Êpul hgŭm lu ala čar mđing mrô sa, boh nik kơ klei răng mgang klei êđăp ênang, hlue ngă Hdră kñăm mđĭ kyar kjăp, mdrơ̆ng hŏng klei bi mlih yan adiê.