Blŭ hrăm hŏng êpul bi ala, Khua gĭt gai Đảng, Khua lăn čar Tô Lâm mñă, mnuih ƀuôn sang Việt Nam hơ̆k m’ak, ktưn hưn kyua mâo Awa Hô – pô kiă kriê prŏng kdrưh – Pô jhŏng ktang mtlaih êngiê djuê ana, Pô mă bruă dhar kreh êdah êdi tar rŏng lăn. Boh nik, ƀĭng kna hriê hgŭm hlăm knăm anei lŏ ktưn hưn, jing mnuih tuôm dôk giăm, mă bruă hŏng Awa, jih ai tiê dlăng kriê klei suaih pral Awa.

Bi êdah klei mgei ai tiê leh hmư̆ klei yăl dliê kơ klei hdĭp, hdră mă bruă mơ̆ng Awa; Khua gĭt gai Đảng, Khua lăn čar Tô Lâm mñă, lŏ čuê knhuah gru “Mnăm êa hdơr kơ hnoh”, Đảng, Knŭk kna drei mpŭ, lač jăk êdi kơ klei đru mguôp mơ̆ng mnuih đru bruă, răng mgang Awa hlăk Ñu dôk hdĭp lehanăn răng mgang, kriê pioh, mđĭ lar jăk knhuah gru mơ̆ng Ñu ti Adŭ bruă Khua lăn čar./.