Ti knăm anei, Khua gĭt gai Đảng, Khua lăn čar Tô Lâm bi mni dŭm klei gĭr mơ̆ng Êpul čih mkra hră m’ar mă bruă hŏng klei pral, mâo klei đua klam čiăng ba mdah kơ Anôk kriê dlăng Êpul bruă dŭm klei čih mkra Hră hâo mdah bruă kđi čar tal 5; Mbĭt anăn mtă kơ Êpul čih mkra brei ksiêm dlăng kjăp dŭm hdră mtrŭn mơ̆ng Anôk kriê dlăng bruă Đảng gưl dlông, Phŭn bruă kđi čar, Anôk kriê dlăng bruă Đảng, dŭm hdră mtrŭn mơ̆ng Anôk bruă kƀĭn ala lehanăn Knŭk kna… boh nik dŭm mta hră m'ar dưi ba mdah hlăm wưng păn bruă anei.

Khua gĭt gai Đảng, Khua lăn čar Tô Lâm mñă, klei hâo mdah bruă kđi čar mơ̆ng Klei bi kƀĭn tal XIV bi êdah klei thâo, bi êdah ai tiê hgŭm mguôp êpul êya mơ̆ng kluôm Đảng, jih jang mnuih ƀuôn sang, lĭng kahan, msĕ hŏng klei Ayang Khua gĭt gai Đảng Nguyễn Phú Trọng gĭt gai, brei mđĭ lar klei ngă phŭn mil pô lehanăn klei thâo êpul êya, brei mâo klei đru mguôp mơ̆ng dŭm anôk bruă klei mrâo, dhar bruă gưl dlông lehanăn dŭm alŭ wăl, êpul bruă kđi čar – ala ƀuôn lehanăn mnuih ƀuôn sang./.