Hluê tur knơ̆ng klei čih mkra lehanăn klei blŭ bi trông ti anôk bi kƀĭn, blŭ hrăm klah čŭn, Khua gĭt gai Đảng, Khua lăn čar Tô Lâm bi mni dŭm klei gĭr mơ̆ng Êpul čih mkra hră mơar ngă leh bruă hŏng ai tiê đua klam čiăng ba mdah klei čih mkra hâo mdah bruă kđi čar tal 6 leh lu blư̆ mkra, đru mguôp klei blŭ. Čiăng bi leh klei čih mkra ba mdah kơ Phŭn bruă kđi čar ksiêm dlăng, brei klei blŭ, bi leh ba mdah kơ Klei bi kƀĭn gưl dlông tal 10 kơ anăp kñăm mkăp djŏ hŏng hnơ̆ng čuăn lehanăn wưng;

Khua gĭt gai Đảng, Khua lăn čar Tô Lâm mñă, mta phŭn klei hưn mdah brei bi êdah klă klei mĭn, hdră êlan, klei thâo săng, kơ hƀuê ênuk mrâo, kơ klei čang hmăng kpưn đĭ mơ̆ng djuê ana, leh 10 thŭn hluê ngă hdră mlih mrâo. Khua gĭt gai Đảng, Khua lăn čar Tô Lâm mtă kơ Êpul bruă čih mkra brei mđĭ lar klei ngă phŭn mil pô lehanăn klei thâo mơ̆ng êpul êya, ai tiê hlăm hdră bi trông, mpŭ klei blŭ hdơ̆ng găp, mjing klei sa ai./.