Klei bi kƀĭn bi trông kơ hră hưn mdah, boh tŭ hluê ngă Hdră hlăm 6 mlan akŏ thŭn 2024 lehanăn bruă phŭn 6 mlan knhal jih thŭn 2024; hưn mdah boh tŭ kiă kriê, msir mghaih dŭm bruă dôk hlăm hdră Anôk bruă gĭt gai tui ksiêm, gĭt gai mơ̆ng leh Klei bi kƀĭn tal 25 mơ̆ng Anôk bruă gĭt gai truh kơ ară anei; hưn mdah boh tŭ hdră mă bruă mơ̆ng Anôk gĭt gai hdră bi kdơ̆ng hŏng klei ƀơ̆ng ngăn, klei ngă amâo jăk gưl čar 6 mlan akŏ thŭn 2024.

Blŭ ti knăm anei, Khua gĭt gai Tô Lâm – Khua anôk bruă gĭt gai mtă kơ dŭm gưl, bruă Đảng, anôk bruă djŏ tuôm amâo dưi ngă ngơi, yap dưi leh hŏng dŭm boh tŭ dưi mâo, ƀiădah brei pŏk ngă kjăp, mđrăm mbĭt dŭm hdră bi kdơ̆ng hŏng klei ƀơ̆ng ngăn, klei ngă amâo jăk hluê hdră “Amâo mdei, amâo mâo anôk kăm, amâo mâo mnuih ti êngao, msir mghaih sa klei, bi ƀrơ̆k mdih sa krĭng, jih anôk bruă”. Khua gĭt gai Tô Lâm mñă leh kơ 3 mta: Gang mkhư̆ klei ƀơ̆ng ngăn brei ngă kjăp kñăm mkăp kơ hdră mđĭ kyar bruă duh mkra – ala ƀuôn, brei pŏk ngă kjăp truh kơ anôk bruă Đảng, brei mâo klei ksiêm dlăng mơ̆ng phung knuă druh, đảng viên lehanăn mnuih ƀuôn sang…